كان إسمها فلسطين ..

و كان جدي و جدك..

زرعوا الأرض .. و بنوا المصنع.. 

كان فيها ميناء.. و منارة و بحارة .. 

و تاجر بيجي ليشتري منتجها.. 

و ظل إسمها فلسطين .. و أنا و أنت.. 

الأرض أهملناها .. 

و المصنع تحاصر بأسوار الإحتلال.. 

الميناء صار مش إلنا.. 

و المنارة و البحارة صور في الذكريات.. 

و التاجر لسا بيجي بس مش لعندنا.. 

الحمل حملنا .. و البلد بلدنا.. 

منشان هيك .. بدناش حدا يحكي بإسمنا.. 

رح نزرع و نصنع .. و نتقاسم حملنا و حلمنا.. 

طين للتسويق.. 

مشوار بداه جدودنا .. حنكمله بسواعدنا .. 

أرضنا رح نزرعها … 

و منتجنا رح نحمله لبعد أسوار الجدار .. 

و نوصله لكل العالم .. 

إزرع شجرة بفلسطين  .. و إيدك بإيدنا .. 

بنصل لبكره الي إنسرق منا … 

بكره إلنا … بكره فلسطيني …